ლიფტის უსაფრთხოება 101: რჩევები უსაფრთხოდ მგზავრობისთვის

ლიფტით უსაფრთხოდ მგზავრობის წესები და ეტიკეტის ცოდნა აუცილებელია ყველასთვის, მიუხედავად იმისა რამდენად ხშირად გვიწევს ხოლმე მგზავრობა, იქნება ეს სახლის კორპუსში თუ საზოგადოებრივ შენობებში.

დღეს გაგაცნობთ ლიფტის უსაფრთხოდ მგზავრობის რამდენიმე რჩევას, რომელიც დაგეხმარებათ იმგზავროთ მშვიდად და თავიდან აიცილოთ უბედური შემთხვევები.

• ყურადღება მიაქციეთ ლიფტის კარებს როდესაც ელოდებით ლიფტის კარების გაღებას, დადექით კარიდან მოშორებით და ნუ ეცდებით კარების ძალით გაღებას. თუ კარები არ იღება, კვლავ დააჭირეთ ლიფტის გამოძახების ღილაკს.
• დაიცავით ლიფტის ტვირთამწეობის ლიმიტები ნუ ეცდებით ლიფტის გადატვირთვას ძალიან ბევრი ხალხით და ზედმეტი წონით(აქ იგულისხმება მძიმე ნივთების გადატანა). ლიფტის გადატვირთვამ შეიძლება გამოიწვიოს მისი გაუმართაობა ან უეცარი გაჩერება.
• ჩაეჭიდე მოაჯირს მოაჯირზე ჩაჭიდება დაგეხმარებათ წონასწორობის შენარჩუნებაში რათა თავიდან აიცილოთ დაცემა, თუ ლიფტი მოულოდნელად გაჩერდება ან მოძრაობას დაიწყებს.

• არ იხტუნოთ ლიფტში ლიფტში ხტომამ ან კაბინიდან გადახტომამ შეიძლება გამოიწვიოს მისი გაუმართაობა და სახიფათო გახდეს.
• დააკვირდი შენს ნაბიჯებს დააკვირდით თქვენს ნაბიჯს ლიფტში შესვლისას ან გასვლისას და დარწმუნდით, რომ ლიფტის კაბინა იატაკის დონეზეა. თუ ლიფტსა და იატაკს შორის არის სიცარიელე, დაელოდეთ ლიფტს შესვლამდე ან გამოსვლამდე.
• არ გამოიყენოთ ლიფტი საგანგებო სიტუაციის შემთხვევაში თუ ხანძარი ან სხვა გადაუდებელი შემთხვევაა, არ გამოიყენოთ ლიფტი. სანაცვლოდ ისარგებლეთ კიბეებით და საევაკუაციო გასასვლელით.
• საგანგებო სიტუაციის შემთხვევაში დააჭირეთ გადაუდებელ ღილაკს თუ ლიფტში გაჭედილი ხართ ან გადაუდებელი შემთხვევაა, დააჭირეთ გადაუდებელი დახმარების ღილაკს არსებობის შემთხვევაში ან დახმარებისთვის დარეკეთ თქვენი მომსახურე კომპანიის ცხელ ხაზზე, ან უბრალოდ დაურეკეთ ვინმეს. არ დაგავიწყდეთ, რომ შეინარჩუნოთ სიმშვიდე.
• ყურადღება მიაქციეთ პირად ნივთებს შეინახეთ პირადი ნივთები თქვენთან ახლოს და არ დატოვოთ ისინი უყურადღებოდ ლიფტში. თუ რამე დაგივარდებათ, ნუ ეცდებით მის აღებას, სანამ ლიფტი არ გაჩერდება.
• პატივი ეცით სხვის პირად სივრცეს სხვებთან ერთად ლიფტში ყოფნისას, პატივი ეცით მათ პირად სივრცეს და ნუ შეეხებით მათ. მიეცით მათ საკმარისი ადგილი მოძრაობისა და სუნთქვისთვის.

ლიფტის უსაფრთხოების ამ რჩევების დაცვა დაგეხმარებათ ავარიების და საშიშროების თავიდან აცილებაში და კომფორტულ მგზავრობაში. დაიმახსოვრეთ, რომ არ აჰყვეთ პანიკას, ისუნთქეთ ღრმად და შეინარჩუნეთ სიმშვიდე გადაუდებელ შემთხვევებში. ასევე, მიაქციეთ ყურადღება თქვენს გარემოცვას რათა ყოველთვის იქნას დაცული ლიფტის ტვირთამწეობის ლიმიტები.

თუ ფიქრობთ, რომ თქვენს შენობაში არსებული ლიფტი სახიფათოა, შეგიძლიათ მიმართოთ თქვენს ლიფტის მომსახურე კომპანიას ან – ძველი ლიფტის შემთხვევაში – თბილისის მერიას.